Xəbər verdiyimiz kimi, 1992-ci il təvəllüdlü Nəzərova Firəngiz Eldar qızı "28 May" metrostansiyası yaxınlığında yolu keçmək istəyən zaman "Mercedes" markalı maşınla vurulub.

Sonxeber.az xəbər verir ki, sürücü yaralını dərhal xəstəxanaya çatdırsa da, lakin xəstənin vəziyyəti ağır olduğundan 1 saylı şəhər Klinik Xəstəxanasına yerləşdirilib. 
Nəticədə 27 yaşlı qız orada vəfat edib.

Qeyd edək ki, 27 yaşlı Firəngiz Nəzərova nişanlı olub, tezliklə toyu olacaqmış. O, "MediCLub" klinikasında tibb bacısı işləyib. Bundan başqa, faciəvi hadisədə vəfat edən Nəzərova Firəngiz Eldar qızı bir müddət əvvəl sosial şəbəkələrdə Təcili Tibbi Yardım Xidmətinə məxsus maşınların musiqi sədası altında başına dövr etdiyi xanımdır. Həmin görüntülər Bakının Suraxanı rayonu ərazisində 22 saylı Təcili Yardım Stansiyasıın həyətində lentə alınıb.

Faciəvi şəkildə dünyasını dəyişən 27 yaşlı Firəngizin fotolarını təqdim edirik: