Musavat.com xəbər verir ki, deputat bildirib ki, Azərbaycanda pensiya yaşı ilə bağlı narahatlıqlar var:

 “Azərbaycanda pensiya yaşı kişilər üçün 60 yaş, qadınlar üçün 55 yaş qəbul olunmalıdır və bu, ən optimal yaşdır. İnsan pensiyaya çıxandan 3-5 il sonra dünyasını dəyişir və qısa müddət pensiya alır.Burada haradadır ədalət, haradadır haqq? İnsanlar 60 yaşından sonra stress, hansısa çətinliklər nəticəsində kifayət qədər xəstəliklərlə yaşayır. Bu barədə ciddi şəkildə düşünmək lazımdır. Mən çox xahiş edirəm ki, bizim hörmətli həmkarımız Musa Quliyev və hörmətli sədr, siz məsələ ilə bağlı müvafiq qurumların qarşısında məsələ qaldırasınız. Dünyanın Avropanın hansısa qaydalarını kor-koranə tətbiq etməyə ehtiyac yoxdur. Digər tərəfdən Azərbaycanda əmək bazarı o qədər də sıx deyil”.

F.Ağamalı sosial müavinətlərlə bağlı problemlərdən də bəhs etdi. Bildirdi ki, sosial müavinət məsələsində bu kateqoriyaya xüsusi diqqət yetirmək lazımdır.

Sədr isə Avropa qaydalarının kor-koranə tətbiq olunması fikri ilə razılaşmadı.