Azərbaycan Müdafiə Nazirliyi bu gün səhər saatlarında Müşfiqabad yaxınlığında baş vermiş ağır qəzada 4 hərbçinin həlak olduğunu təsdiq edir.

Bu haqda nazirliyin mətbuat xidmətindən virtualaz.org a bildiriblər.

Həlak olanların rütbələri və hansı hərbi hissədə qulluq etdikləri göstərilmir.

***11:27
Bu gün səhər saatlarında Bakı-Şamaxı yolunun Müşfiqabad qəsəbəsi ərazsindən keçən hissəsində iki avtomobilin toqquşması ilə müşaiyət olunan qanlı yol qəzası baş verib.

“Saipa” və “Opel” markalı avtomobillərin yüksək sürətlə hərəkətdə olarkən toqquşması nəticəsində 5 nəfərin həlak olduğu, azı iki nəfərin yaralandığı bildirilir.

Fövqəladə Hallar Nazirliyinin yaydığı məlumata görə, nazirliyin "112" qaynar telefon xəttinə, Sumqayıt şəhəri ərazisində “Saipa” və “Opel” markalı iki minik avtomobilinin toqquşması barədə məlumat daxil olub. 

Hadisə yerinə cəlb olunan Sumqayıt Regional Mərkəzinin xilasetmə qüvvələri “Saipa” markalı minik avtomobilində sıxılı vəziyyətdə qalan 4 nəfərin meyitini (şəxsiyyətləri dəqiqləşdirilir) və müxtəlif xəsarətlər alan digər 1 nəfəri deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər.

KİV-lər ölənlərin hamısının “Saipa” avtomobilinin sərnişinləri və sürücüsü olduqlarını bildirir, xəsarrət alanlar isə digər avtomobildə olublar. Xəsarət alanlar 1984-cü il təvəllüdlü Əliyev Ramil Gülhəsən oğlu və 1991-ci il təvəllüdlü Musazadə Azər Mürvət oğludur.


“Qafqazinfo”nun əldə etdiyi məlumata görə, qəza nəticəsində “Saipa” markalı avtomobildə ölənlər hərbçilər olub. Belə ki, maşındakı 5 hərbçidən 4-ü hadisə yerində vəfat edib, 1-i isə ağır xəsarət alıb. “Opel” markalı avtomobilin sürücüsü yaralanıb, onun sərnişini olan mülki şəxs isə ölüb. 

 Qəza yerindən çəkilmiş fotoda “Opel” markalı avtomobilin üzərində “Bolt” taksi nişanı görünür.


Virtualaz.org