Ermənistanın xarici işlər naziri Ara Ayvazyan martın 6-da iranlı həmkarı Məhəmməd Cavad Zəriflə telefon danışığı aparıb.
 
Ovqat.com erməni mətbuatına istinadən xəbər verir ki, Xarici işlər nazirləri ikitərəfli gündəliyə aid bir sıra məsələlər barədə fikir mübadiləsi ediblər.
 
“Əzəli dostluğa əsaslanan ikitərəfli münasibətlərin inkişaf dinamikasından məmnunluqlarını” ifadə edən nazirlər müxtəlif səviyyələrdə siyasi dialoqun intensivləşdirilməsi yolu ilə Ermənistan-İran əməkdaşlığını daha da dərinləşdirməyə və genişləndirməyə hazır olduqlarını vurğulayıblar.
 
Həmsöhbətlər regional təhlükəsizlik və sabitlik məsələlərini də müzakirə ediblər. Tərəflər koordinasiya olunmuş əməkdaşlığın yeni regional problemlərin həllində mühüm rol oynatacağına inandıqlarını dilə gətiriblər.