Ermənistan baş nazirinin aparatı yaxın vaxtlarda Artak Davtyanın Baş Qərargah rəhbəri vəzifəsinə təyin olunması ilə bağlı sənəd layihəsini əsaslandırmalarla prezident administrasiyasına göndərəcək.

Virtualaz.org yertli KİV-ə istinadən bildirir ki, bu barədə baş nazirin aparatı məlumat yayıb.

Xatırladaq ki, baş nazir Nikol Paşinyan Artak Davtyanın təyinatı ilə bağlı təqdimatı Onik Qasparyanın səlahiyyət müddəti bitdikdən sonra, 10 mart tarixində prezidentə göndərib. Lakin Armen Sarkisyan sənədi imzalamayıb.

Artak Davtyan 24 may 2018-ci ildən 8 iyun 2020-ci il tarixinədək Baş Qərargah rəisi vəzifəsində çalışıb. Karantin müddətində oğluna toy mərasimi keçirdiyinə görə işdən çıxarılıb.