“NATO ilə qarşıdurma halında Rusiyanın uğur qazanma şansı yoxdur”.
 
Ovqat.com xəbər verir ki, bunu Ukrayna Xarici İşlər naziri Dmitri Kuleba Newsweek dərgisinə müsahibəsində deyib.
 
Kulebaya görə, Rusiya Qara dəniz bölgəsində yalnız bəzi lokal gərginliyi artıra bilər: “Ancaq mən onların intihar edəcəklərini düşünmürəm etmirəm. Uzaq başı NATO-nun ora-burasını çimdikləyib onu təhrik edə bilərlər. Ancaq Rusiya NATO ilə geniş miqyaslı qarşıdurma riski altına girməz və bununla bağlı heç bir şanslarının olmadığını açıq şəkildə anladılar”.
 
Bununla belə, Kuleba onu da əlavə edib ki, Şimali Atlantika İttifaqı heç bir tədbir görməsə, Rusiya Qara dəniz üzərində nəzarəti və bölgədəki təsirini əhəmiyyətli dərəcədə artıracaq: "Bu, Ukraynanın və NATO müttəfiqlərinin təhlükəsizliyi və sabitliyi üçün yüksək dərəcəli hədələr deməkdir".