“KTMT-nin Qazaxıstandakı sülhməramlı qüvvələrinin bölmələri daimi dislokasiya məntəqələrinə qayıtmaq üçün texniki hazırlığa başlayır”.
 
Ovqat.com xəbər verir ki, Rusiya Müdafiə Nazirliyi bu məlumatı yayıb.
 
“KTMT-nin kollektiv sülhməramlı qüvvələrinin komandanlığı və Qazaxıstan Respublikasının Müdafiə Nazirliyi tərəfindən hazırlanmış plana uyğun olaraq, sülhməramlılar tərəfindən qorunan sosial əhəmiyyətli obyektlərin ölkənin hüquq-mühafizə orqanlarına təhvil verilməsinə başlanılıb”, - deyə məlumatda bildirilir.
 
Qeyd olunur ki, KTMT sülhməramlılarının öz ölkələrinə qaytarılması Qazaxıstan tərəfi ilə əməkdaşlıq çərçivəsində təşkil olunacaq.
 
KTMT sülhməramlılarının 10 gün ərzində Qazaxıstanı tamamən tərk edəcəyi gözlənilir.