Rusiya lideri Vladimir Putin ordusuna noyabrın 15-dək Pokrovsk, Mirnoqrad və bütün Pokrovsk aqlomerasiyasını ələ keçirməyi tapşırıb.

Axar.az xəbər verir ki, bunu Ukrayna Xarici Kəşfiyyat Xidmətinin keçmiş rəhbəri, Ukrayna ordusunun generalı Nikolay Malomuj deyib.

Malomujun sözlərinə görə, rusların növbəti vəzifəsi, bütün Pokrovsk aqlomerasiyasını ələ keçirmək və bu baş verdiyi halda, Konstantinovka və Kramatorska doğru daha da irəliləməkdir. O, hesab edir ki, Putin istənilən vasitə ilə öz məqsədinə çatmağa çalışacaq.