Axar.az xəbər verir ki, bunu ABŞ Prezidenti Co Bayden Əfqanıstandakı son durumla bağlı mətbuata açıqlama verərkən bildirib.

ABŞ-ın sözünün arxasında durduğunu söyləyən Bayden qadın siyasi liderlər və jurnalistlərə də yardım göstərəcəklərini qeyd edib:

"Hazırda ölkədə nə qədər amerikalı olduğunu bilmirik. Konkret bir rəqəmi müəyyənləşdirmək üçün çalışırıq. Elə dünən təxliyə edilən amerikalılar arasında mülki şəxslər də var idi.

Bu mövzuda NATO ilə sıx əməkdaşlıq edirik. Bu əməliyyatlar təxliyə tamamlanana qədər önümüzdəki günlərdə də davam edəcək. Evə gəlmək istəyən bütün amerikalıları gətirəcəyik. Bu təxliyə prosesi təhlükəli bir əməliyyatdır, risklər var. Bu əməliyyatı çətin şərtlər altında davam etdiririk. Həyati riski də var. Talibanla davamlı əlaqə saxlayırıq. Mülki insanlar üçün təhlükəsiz keçid təmin etdiklərinə əminik. Talibana çox açıq şəkildə dedik: Əsgərlərimizə hücum və ya əməliyyatlarımıza müdaxilə olarsa, çox sürətli və güclü bir cavab veriləcək".