Avropa İttifaqı (Aİ) Ukraynadakı vəziyyətlə əlaqədar yaxın həftələrdə Rusiyaya qarşı yeni sanksiyalar paketi təklif etməyi planlaşdırır.

“Report” xəbər verir ki, bu barədə “Bloomberg” məlumat yayıb.

Nəşrin mənbələrinə görə, hazırda Rusiya neftinin qiymətlərinin məhdudlaşdırılması mexanizmlərinin müzakirəsi hələ də davam edir və bu məsələ ilə bağlı qərarın yaxın vaxtlarda verilmə ehtimalı azdır.

Qeyd olunub ki, ittifaqa üzv bəzi ölkələr Rusiya qazına qarşı sanksiyaların genişləndirilməsində israrlıdır, lakin Aİ ölkələrinin böyük əksəriyyəti bu cür tədbirləri dəstəkləmir.