Rusiya öz təhlükəsizliyini təmin etmək, dəyərlərini qorumaq və beynəlxalq aləmdə nüfuzunu gücləndirmək kimi suveren kursunu davam etdirəcək.

Bu barədə Rusiya Xarici İşlər Nazirliyinin mövcud daxili siyasi vəziyyətlə bağlı şənbə günü yaydığı bəyanatda deyilir.

Vurğulanır ki, silahlı üsyana cəhd Rusiya Prezidenti Vladimir Putini qəti şəkildə dəstəkləyən Rusiya cəmiyyətində kəskin etiraza səbəb olub.

Bundan əlavə, Rusiya Xarici İşlər Nazirliyi Qərb ölkələrinə xəbərdarlıq edib ki, Rusiya Federasiyasındakı mövcud vəziyyətdən öz məqsədlərinə nail olmaq üçün istifadə etməsinlər.

Mənbə: TASS