Ermənistan hökuməti Beynəlxalq Cinayət Məhkəməsinin Roma Statutunu ratifikasiya edilməsi üçün parlamentə göndərib.

Axar.az xəbər verir ki, bununla bağlı erməni mətbuatı məlumat yayıb.

Qeyd edək ki, bu il martın 17-də Beynəlxalq Cinayət Məhkəməsinin prokuroru Kərim Xan Vladimir Putin və Uşaq Hüquqları üzrə Komissar Mariya Lvova-Belovanın həbsinə order verilməsi ilə bağlı bəyanat verdi. Sözügedən bəyanatda Putin və Belovanın Roma Statutunun 8-ci maddəsinin (2)(a)(vii) və (2)(b)(viii) bəndlərinə zidd olaraq uşaqların işğal olunmuş Ukrayna ərazilərindən qeyri-qanuni deportasiyasına görə məsuliyyət daşıdıqları barədə ağlabatan əsasların olduğu bildirilir.

Əgər Roma Statutu ratifikasiya olunarsa, Ermənistana səfər edəcəyi təqdirdə Putin həbs edilməlidir.