Ermənistan-Rusiya münasibətlərinin gərginləşdiyi bir vaxtda ermənilər daha bir bəd xəbər alıblar.

Musavat.com erməni mediasına istinadən bildirir ki, yaxın günlərdə iki ölkənin quru əlaqələrini təmin edən Yuxarı Lars buraxılış məntəqəsində növbələr yarana bilər.

Ermənistanın Rusiyadakı səfirliyinin gömrük attaşesi Vaan Akopyan Ermənistan mediasına bildirib ki, sentyabrın 18-24-də Rusiya Federasiyasına giriş istiqamətində keçid məntəqəsində asfaltlama işləri aparılacaq.

Qeyd edək ki, bir neçə ay əvvəl də məntəqə “təmir” adı ilə bağlanmışdı. Kremlin İrəvana nota verməsindən sonrakı “təmir” siyasi qərara daha çox oxşayır.