Ağ Ev və Avropa İttifaqı (Aİ) oktyabrın 20-də ABŞ-da başa çatan sammitin yekunlarına dair birgə bəyanat yayıb.

Musavat.com xəbər verir ki, Ağ Ev və Aİ Ermənistanla Azərbaycan arasında davamlı sülhün təşviqinə sadiq olduqlarını bəyan edib.

“Biz Ermənistan və Azərbaycan arasında suverenliyin, sərhədlərin toxunulmazlığının və ərazi bütövlüyünün qarşılıqlı tanınması əsasında davamlı sülhün təşviqinə sadiq qalırıq. Biz Azərbaycanı Dağlıq Qarabağda (keçmiş - red.) qalanların, eləcə də öz evlərinə qayıtmaq istəyənlərin hüquqlarını və təhlükəsizliyini təmin etməyə çağırırıq. Biz həmçinin bütün tərəfləri gücdən istifadə etməmək və onun tətbiqi ilə hədələmə prinsipinə əməl etməyə çağırırıq”, - bəyanatda vurğulanır.