Macarıstan Xarici İşlər Nazirliyi ABŞ Prezidenti Co Baydenin Macarıstanın Baş naziri Viktor Orban haqqında dediklərini yalan adlandırıb və bu ölkənin Budapeştdəki səfiri Devid Pressmanı quruma çağırıb.

Xarici işlər və xarici iqtisadi əlaqələr naziri Peter Siyarto bildirib ki, ABŞ administrasiyasının rəhbəri öz bəyanatları ilə bütün ölkəni təhqir edib.

Qeyd edək ki, ötən həftəsonu Bayden Orbanın diktaturaya can atdığını deyərək Floridada onun ABŞ-nin keçmiş Prezidenti Donald Trampla görüşündən narahat olduğunu bildirib.

Mənbə: TASS