Qazaxıstan Prezidenti Kasım-Jomart Tokayevin Ermənistana səfəri çərçivəsində bir sıra sənədlər imzalanıb.

Erməni KİV-in məlumata görə, imzalanma mərasimi Ermənistan prezidentinin iqamətgahında baş tutub.

Tərəflər miqrasiya və vətəndaşların qalma sahəsində əməkdaşlıq haqqında saziş, Armavir və Manqistau regionları arasında əməkdaşlıq memorandumu, turizm sahəsində əməkdaşlıq proqramı, 2024-25-ci illər üçün ticarət-iqtisadi əməkdaşlıq üzrə yol xəritəsi, yüksək texnologiyalar sahəsində əməkdaşlıq memorandumu imzalayıblar.

Bundan əlavə, İrəvan və Astananın qardaşlaşmış şəhərlərə çevrilməsinə dair sənədlər imzalanıb.

10:18

Qazaxıstan Prezidenti Kasım-Jomart Tokayev Ermənistana səfər edib.

Kasım-Jomart Tokayevi “Zvartnots” hava limanında Ermənistan baş nazirinin müavini Mqer Qriqroyan qarşılayıb.

Səfər çərçivəsində Qazaxıstan prezidenti Ermənistan baş naziri Nikol Paşinyanla, prezident Vaaqn Xaçaturyanla və parlamentin spikeri Alen Simonyanla görüş keçirəcək.

Mənbə: Sputnik Qazaxıstan