Azərbaycan Xarici İşlər Nazirliyi (XİN) ABŞ Prezidenti Donald Trampın Qəzza ilə bağlı planına münasibət bildirib.

Oxu.Az-ın xəbərinə görə, nazirlik bu barədə rəsmi "X" hesabında paylaşım edib.

"ABŞ Prezidenti Donald Tramp tərəfindən Qəzza münaqişəsinə son qoyulması üçün hərtərəfli planın elan edilməsini alqışlayırıq.

Davamlı və ədalətli sülh səmimi sadiqlik, qarşılıqlı etimad və beynəlxalq hüquqa hörmət tələb edir.

Əsirlərin və girovların mübadiləsi, eləcə də əhalinin humanitar ehtiyaclarının qarşılanması etimadın yaradılması və gərginliyin azaldılması vasitəsilə uzunmüddətli sabitliyə və siyasi nizamlanmaya yol açmaq üçün həyati əhəmiyyət kəsb edir.

Yalnız dialoq və xoşməramlılıq yolu ilə iki dövlətli prinsiplərinə əsaslanan davamlı nizamlanmaya nail olmaq olar", - deyə paylaşımda bildirilib.