ABŞ prezidenti Donald Tramp dövlət katibi Reks Tillersonla fikir ayrılıqları haqqında xəbərlərə görə NBC News telekanalının üzr istəməsini tələb edib.

Publika.az xarici mediaya istinadən xəbər verir ki, Tramp bu haqda tvitter hesabında yazıb.

“NBC News telekanalının xəbəri dövlət katibi Tillerson və vitse-prezident Mayk Pens tərəfindən tamamilə təkzib edildi. Onlar amerikalılardan üzr istəməlidir”, - dövlət başçısı qeyd edib.

Qeyd edək ki, daha əvvəl mənbələrə istinadən NBC telekanalı bildirib ki, Reks Tillerson yayda siyasi məsələlər üzrə fikir ayrılıqları və Ağ Evdəki münaqişələrə görə öz postunu tərk etməyə hazırlaşırdı. Tillerson bu gün sözügedən informasiyanı şərh edib.