Xəbər lenti

Şimali Koreya dünyada nüvə silahının tam qadağa olunmasının tərəfdarıdır, lakin ABŞ bu silaha malik olduğu üçün rəsmi Pxenyan da öz arsenalını qoruyacaq.

“Report” RİA “Novosti”-yə istinadən xəbər verir ki, bu barədə Şimali Koreyanın BMT-dəki daimi nümayəndəsinin müavini Kim İn Ren deyib. O, həmçinin Koreya yarımadasının nüvə silahından azad edilməsinə dair danışıqları rədd edib.

“Bütün dünyanın diqqətini özünə cəlb edən Koreya yarımadasındakı vəziyyət kritik hala çatıb. Nüvə müharibəsi istənilən vaxt başlaya bilər. ABŞ-ın bütün ərazisi bizim raketlərin çata biləcəyi zonada yerləşir. Əgər ABŞ cürət edib bir düymə məsafədə belə müqəddəs torpaqlarımıza yaxınlaşsa, onlar bizim şiddətli cəzamızdan canlarını qurtara bilməyəcəklər,”- deyə daimi nümayəndənin müavini söyləyib




Ana səhifəyə qayıt        Baxış: 443          Tarix: 17-10-2017, 12:21      


Paylaş: