Kanada Silahlı Qüvvələrinin hərbi texnikası Latviyaya gətirilib. NATO qüvvələrinin bu Baltik ölkəsinin ərazisində yerləşən hissələrinin sərəncamına Kanadada istehsal edilən Yüngül zirehli maşınlar (YZM) əlavə olunub.

Ovqat.com Virtualaz.org-a  istinadən xəbər verir ki, sözügedən hərbi texnika şənbə günü Riqa limanına gətirilib.

NATO batalyonu Latviyanın Adaji şəhərində yerləşəcək. Hərbi texnika ilə yanaşı, gəmilərlə bu ölkəyə yaşayış binalarının və hərbi texnikaya qulluq məntəqələrinin quraşdırılması üçün tikinti materialları çatdırılıb.