Türkiyənin xarici işlər naziri Mövlud Çavuşoğlu ilə rusiyalı həmkarı Sergey Lavrov arasında telefon danışığı olub.

“Report” TRT-yə istinadən xəbər verir ki, nazirlər Suriyadakı son vəziyyəti, Türkiyə Silahlı Qüvvələrinin Azad Suriya Ordusu ilə birlikdə Afrində həyata keçirdiyi antiterror əməliyyatını müzakirə ediblər. 

İki ölkənin xarici siyasət idarələrinin rəhbərləri Suriya böhranının həlli üzrə Soçidə keçirilən toplantının gedişinə dair fikir mübadiləsi də aparıblar.