Xəbər lenti

“Böyük yeddilik” (G7) sammitində yekun qərar ABŞ-ın iştirakı olmadan imzalana bilər. Bu barədə Fransa prezidenti Emmanuel Makron öz “Twitter” hesabında yazıb. “Ola bilsin ki, ABŞ prezidenti tədric olunmağa qarşı deyil, biz də 6 ölkə ilə saziş imzalanmağa qarşı deyilik”, – fransalı lider bildirib.

“Reuters”in verdiyi məlumata görə, Makron əlavə edib ki, dünya nəhəngləri iqtisadiyyatda hər hansı ölkənin vahid hegemonluğunu qəbul etməyəcək.

“ABŞ olmadan da G7-nin digər altı ölkəsi daha böyük bazarı təmsil edir”, – Fransa prezidenti bildirib.

Belə açıqlamalara səbəb Vaşinqtonla G7 həmkarları arasında rüsumlar və ticarət tənzimlənməsi barədə məsələlər olub.

“Böyük yeddilik” sammiti iyunun 8-9-da Kanadanın Kvebek şəhərində keçiriləcək

 




Ana səhifəyə qayıt        Baxış: 638          Tarix: 8-06-2018, 16:45      

Xəbəri paylaş


Paylaş:   

Prizma