Milyarder Corc Sorosun evinin yaxınlığında partlayıcı cihaz tapılıb.

ABŞ mediası milyarder, Soros Fondunun rəhbəri olan Corc Sorosun Nyu Yorkdakı evinin yaxınlığında bomba tapıldığını təsdiq edib.

Məlumata görə, məqsəd Sorosu hədəf almaq olub.

Nyu York polisi bildirib ki, poçt qutusunun içərisində şübhəli bağlama olub. Araşdırma zamanı bəlli olub ki, bağlamanın partlayıcı funksiyası var.

Bağlama Sorosun evinin ətrafından götürülüb və hazırda faktla bağlı araşdırma aparılır/Teleqraf.com.