ABŞ prezidenti Donald Tramp Pittsburqdakı sinaqoqda baş verən qanlı hadisədən sonra ölkədə ölüm hökmünün sərtləşdirilməsini irəli sürüb.

Ovqat.com xəbər verir ki, Publika.az ABC nəşrinə istinadən verdiyi məlumata görə, Trampın fikrincə, bu tip hallarda, insanlara hücum edən şəxsə ən ağır cəza verilməlidir.

"İbadət evlərində və ya kilsələrdə günahsız insanlara hücum edənlər ağır cəzalanmalıdır", - deyə ABŞ rəhbəri bildirib.

Xatırladaq ki, ABŞ-ın Pensilvaniya ştatında Pittsburq şəhərində yerləşən sinaqoqda naməlum şəxs insanlara avtomatla atəş açıb. Nəticədə 11 nəfər həlak olub.