Böyük Britaniyanın Baş naziri Tereza Mey Şotlandiyanın “Renefşayr” fabrikində bu müəssisənin kollektivi ilə görüşüb.

AZƏRTAC xəbər verir ki, görüşdə T.Mey “Brexit” müqaviləsi barədə danışıb. O, müqavilənin Şotlandiya üçün faydalı olacağını və biznes sahəsində yeni imkanlar yaradacağını söyləyib.

Baş nazir deyib: “Bu razılaşma vasitəsilə biz sularımıza nəzarəti yenidən öz əlimizə alacağıq və şotland balıqçılığının parlaq gələcəyini təmin edəcəyik”.