ABŞ İranın Xarici işlər naziri Məhəmməd Cavad Zərifə qarşı sanksiya tətbiq edib.

AZƏRTAC TASS informasiya agentliyinə istinadla xəbər verir ki, bu barədə ABŞ administrasiyasının yüksək çinli nümayəndəsi deyib.

İranın XİN rəhbəri xüsusi kateqoriya üzrə şəxslər siyahısına daxil edilib.

Ağ Ev rəsmisi onu da əlavə edib ki, ABŞ İranın XİN rəhbərini fəal dialoq aparılmasında tərəfdaş hesab etmir və danışıqların daha yüksək vəzifəli şəxslə aparılmasını istəyir.

Daha əvvəl Pompeo və ABŞ prezidenti Donald Tramp İranla danışıqlara hazır olduqlarını bildirmişdi.