Əfqanıstanın paytaxtı Kabil şəhərində partlayış törədilib.

 Ovqat.com “RİA-Novosti”-yə istinadən xəbər verir ki, Prezident Sarayı və diplomatik nümayəndəliklərin yerləşdiyi ərazinin yaxınlığında törədilən partlayış nəticəsində xeyli insan ölüb və yaralanıb. Ölkənin Səhiyyə Nazirliyi 60 nəfərin xəsarət aldığını açıqlayıb. Hələlik ölən və yaralananları sayı barədə dəqiq məlumat yoxdur.

 Hüquq-mühafizə orqanların məlumatına görə, avtomobilin içərisində olan partlayıcı qurğu Almaniya səfirliyinin yanında işə salınıb. Partlayış nəticəsində Çinin Sinxua Xəbər Agentliyinin Kabildəki bürosunun binasına da ziyan dəyib.