Türkiyə prezidenti Rəcəb Tayyib Ərdoğan Suriyanın İdlib vilayətinə aviazərbərlər endirən ABŞ-ı ittiham edib.

Publika.az “Anadolu” agentliyinə istinadən xəbər verir ki, Ərdoğan son günlərdə ABŞ-ın aviazərbələri nəticəsində təxminən 700 dinc sakinin həlak olduğunu bildirib.

“Əlbəttə, orada döyüşçülər ola bilər, ancaq İdlib tədricən yox olur… Buna susaraq baxmaq mümkün deyil. Biz bunu Rusiya və İranla müzakirə edirik. Bizim nümayəndə heyətlərimiz daim təmasdadırlar”, - Ərdoğan Ankarada Çexiyanın baş naziri Andrey Babişlə birgə mətbuat konfransında deyib.

O əlavə edib ki, sentyabrın 16-da Ankarada keçiriləcək Türkiyə-Rusiya-İran sammitində və sentyabrın sonunda BMT Baş Assambleyasında məsələni qaldırmaq niyyətindədir.