ABŞ-ın Kaliforniya, Nyu-York və Vaşinqton ştatlarının qubernatorları ölkə prezidenti Donald Trampın iqlim üzrə Paris müqaviləsi ilə bağlı qərarının əleyhinə birləşiblər. Bu barədə "Time" yazır.

Kaliforniya ştatının qubernatoru Ceri Braun Trampın sazişlə bağlı qərarını "prezident tərəfindən ağılsız addım" adlandırıb. Brauna Vaşinqton ştatının qubernatoru Cey İnsli və Nyu-Torkun qubernatoru Endryu Kuomo da qoşulub. Bununla da üç ştatın rəhbərliyi təxminən 200 ölkə iqlim haqqında imzalanmış sazişi dəstəkləməyə görə İqlim üzrə ABŞ Alyansı yaradıblar.