Londonda ABŞ Prezidenti Trampla Türkiyə Prezidenti Ərdoğanın görüşü olmayacaq.

Bu barədə ABŞ administrasiyasının adının hallanmasını istəməyən rəsmisi deyib.

O, bildirib ki, belə bir görüş planlaşdırılmayıb.

Qeyd edək ki, dekabrın 3 və 4-də NATO-nun 70 illik yubileyi keçiriləcək. Bu məqsədlə NATO üzvü olan ölkələrin prezidentləri Londona toplaşacaq.

Diplomat əlavə edib ki, Prezident Ərdoğan bir neçə həftə əvvəl ABŞ-da səfərdə olub: “Prezident Tramp o zaman Ərdoğanla görüşüb müzakirələr aparıb. NATO zirvəsində ikili görüşməyə dair proqram yoxdur. Prezident Ərdoğandan bir çox NATO üzvlərinin S-400 komplekslərini aktiv etməməsi məsələsində qayğılarını dilə gətirəcəyi gözlənilir”.\\Teleqraf