Rusiya hərbi donanması ilə Suriya qüvvələri (Bəşər Əsəd) Aralıq dənizinin şərq sahillərində birgə hərbi təlimlərə başlayıb.

Teleqraf.com xəbər verir ki, bu barədə Rusiya tərəfdən təlimlərə komandanlıq edən admiral Aleksandr Yuldaşyev açıqlama verib.

Onun sözlərinə görə, təlimlərə Rusiyanın döyüş gəmiləri, Xmeymim bazasından döyüş qırıcıları, Suriya tərəfdən isə minatəmizləmə gəmiləri qatılıb.

Yuldaşyev qeyd edib ki, dənizdə artilleriya atışları və birgə manevrlər icra olunacaq.

Hərbi təlimlərin müddəti, hansı sayda texnika və canlı qüvvənin qatılacağı haqda məlumat verilməyib.