Liviyanın paytaxtı Milli Sülh Hökuməti (UMH) qüvvələri ilə qiyamçı general Xəlifə Hadterin ordusu arasında qarşıdurma baş verib.

Teleqraf.com xəbər verir ki, qarşıdurmada Haftar ordusunun 10 hərbçisi əsir düşüb.

UMH-nun sözçüsü Mustafa əl-Məcəy Tripoli hava limanına gedən yolun qiyamçılardan geri alındığını açıqlayıb.

O, Haftar ordusunun 10 hərbçisinin əsir alındığını, 3 hərbi texnikasının sıradan çıxarıldığını da bildirib.

Bundan başqa Haftar ordusuna dəstək olan Birləşmiş Ərəb Əmirliklərinin (BƏƏ) biri tank olmaqla 8 zirehli texnikası zərərsizləşdirilib, 9 hərbçisi həlak olub, 6 hərbçisi əsir götürülüb.

Liviyanın şərq bölgələrinə nəzarət edən Haftar ordusu dekabrın 12-dən paytaxt Tripoliyə qarşı hücuma başlayıb.