İsveç və İran arasında hər iki istiqamət üzrə uçuşlar Tehranın hava limanı yaxınlığında Ukrayna təyyarəsinin qəzası ilə bağlı müvəqqəti dayandırılıb.

“Report” “Reuters”ə istinadən xəbər verir ki, bu barədə İsveç Nəqliyyat Agentliyi məlumat yayıb.

Bildirilib ki, bu qərar qəza və mülki aviasiya təhlükəsizliyi ətrafındakı qeyri-müəyyənlik səbəbindən verilib.

Bundan əvvəl İsveç Xarici İşlər Nazirliyindən sözügedən qəzada həlak olanlar arasında 17 vətəndaşlarının olduğu bildirilmişdi.