ABŞ-ın rəhbərlik etdiyi beynəlxalq koalisiya Suriyadakı təyyarələrinin yerini dəyişdirmək qərarına gəlib.

"Report" RİA "Novosti"yə istinadən xəbər verir ki, koalisiya nümayəndələri qərarın bu yaxınlarda baş vermiş hadisə ilə bağlı qəbul edildiyini bildiriblər.

İyunun 18-də ABŞ Rəqqa səmasında Suriyaya məxsus "Su-22" təyyarəsini vurub.

Dəməşq bildirib ki, təyyarə İŞİD terrorçularına qarşı aparılan əməliyyatda iştirak edib və koalisiyanı zərbələri terrorçularla razılaşdırmaqda ittiham edib.