Koreya Xalq Demokratik Respublikasının (KXDR) hakimiyyəti ABŞ prezidenti Donald Trampı “dəli” hesab edir.

Publika.az “İnterfaks” agentliyinə istinadən xəbər verir ki, bu haqda Şimali Koreya nəşri “Nodon Sinmun” yazıb.

Nəşr qeyd edir ki, Trampın yürütdüyü siyasət Cənubi Koreyaya yaxşı heç nə gətirməyəcək. “Cənubi Koreya dərk etməlidir ki, Trampın siyasəti yalnız faciəyə gətirib çıxaracaq”, - məqalədə bildirilir.

Nəşrin iddiasına görə, ABŞ lideri Koreya yarımadası ətrafında vəziyyəti gərginləşdirməklə ictimaiyyətin diqqətini öz ölkəsindəki daxili siyasi böhrandan yayındırmağa çalışır.