Rusiya Qara dəniz, Kerç boğazı və Azov dənizində Ukraynaya qarşı təcavüzkar hərəkətlər edir.

Axar.az xəbər verir ki, bu sözləri ABŞ-ın Dövlət katibi Entoni Blinken BMT Təhlükəsizlik Şurasında çıxış edərkən deyib.

O bildirib ki, Rusiya Qara dənizdə, Kerç boğazında, Azov dənizində Ukraynanın kommersiya gəmilərinə qarşı təhlükəli hücumlarını və təcavüzkar hərəkətlərini davam etdirir.

ABŞ-ın Ukraynanın suverenliyi və ərazi bütövlüyünü dəstəklədiyini təsdiqləyən Blinken çıxışının sonunda “Krım Ukraynadır” deyə qeyd edib.