Deputat Viktor Medvedçuk dövlətə xəyanət və terror təşkilatının fəaliyyətinə dəstəkdə ittiham edilir.

Axar.az xəbər verir ki, bu məlumatı Ukrayna Təhlükəsizlik Xidməti yayıb. Onun qondarma respublikalardan cinayətkar sxemlərlə kömür məhsulları tədarük etdiyi bildirilib.

Onun bu fəaliyyətinin Ukraynın enerji müstəqilliyinə zərbə vurduğu, istintaqda eks-prezident Pyotr Poroşenkonun da dindiriləcəyi vurğulanıb.
Qeyd edək ki, Medvedçuk bu ilin mayında ev dustaqlığına məhkum edilmişdi. O, Rusiya şirkətləri ilə birgə Krım yaxınlığında neft-qaz hasilatı ilə məşğul olmaqda şübhəli bilinirdi.

Medvedçuk Rusiya Prezidenti Vladimir Putinin qızının xaç atasıdır.