Böyük Britaniya və Hollandiya Ukrayna üçün qırıcı təyyarələrin alınması üçün koalisiya yaratmaq barədə razılığa gəlib.

APA xəbər verir ki, bu barədə BBC məlumat yayıb.

Böyük Britaniyanın baş naziri Rişi Sunak İslandiyada Avropa Şurasının sammiti çərçivəsində Hollandiya hökumətinin başçısı Mark Rutte ilə görüşdə belə bir koalisiyanın yaradılması üzərində işləməyə razılıq verib.

"Sunak və Rutte Ukraynanı döyüş potensialı ilə təmin etmək, təlimdən F-16 qırıcılarının alınmasına qədər hər şeydə dəstək vermək üçün beynəlxalq koalisiya qurmağa razılaşıblar"- bəyanatda deyilir.