Ukraynada müharibə tezliklə başa çatacaq. Mən peyğəmbər deyiləm, amma Ukraynada bu müharibəni bitirəcəyik. Bunun üçün artıq əsas ilkin şərtlər var. Amma sonra Qərb bizə hədsiz problemlər yaradacaq. Əgər onlar bu xətləri keçsələr, bu, onlar üçün çox ağrılı olacaq.

Axar.az xəbər verir ki, bunu Belarus Prezidenti Aleksandr Lukaşenko deyib.

Lekaşenko bildirib ki, onun ölkəsinə qarşı təcavüz olarsa, Belarus Ukraynaya qarşı müharibəyə girəcək:

“Bizim artıq cavab vermək üçün kifayət qədər gücümüz var. Çoxları deyir: “Yaxşı, Batya bilirsən də belədir...” Bəli, mən mövzu xalqıma, dövlətimə gələndə beləyəm. Mən imkan verməyəcəm ki, 10 milyonluq xalqı parça-parça etsinlər. Ona görə də çəkinmədən deyirəm: Bizə qarşı təcavüz edilsə, cavabını verəcəyik”.