Pakistan parlamentində keçirilən səsvermədən sonra Şahid Xaqan Abbasi ölkənin müvəqqəti baş naziri seçilib. 

Ovqat.com-un məlumatına görə, o, növbəti parlament seçkilərinə qədər ötən həftə məhkəmə qərarı ilə vəzifədən uzaqlaşdırılmış Nəvaz Şərifi əvəz edəcək.

Keçmiş baş nazir özü də bu vəzifəyə məhz Ş.X.Abbasinin namizədliyini dəstəkləyib. Ş.X.Abbasi isə əvvəllər ölkənin neft naziri postunu tutub.

Parlament seçkilərindən sonra N.Şərifin qardaşı Şahbaz Şərifin baş nazir ola biləcəyi də ehtimal olunur.

Qeyd edək ki, N.Şərif korrupsiya ittihamı ilə vəzifəsindən uzaqlaşdırılıb. /Metbuat.az/