Rusiyada səfərbərlik tələb olunmur, Prezident Vladimir Putin bu barədə dəfələrlə danışıb.

Axar.az xəbər verir ki, bu sözləri Kremlin mətbuat katibi Dmitri Peskov RİA-ya açıqlamasında deyib.

Peskov “Faynənşl Tayms” qəzetinin Rusiyanın bu ilin sonu və ya gələn ilin əvvəlində səfərbərliyə başlamalı olacağını iddia etməsinə belə reaksiya verib:

“FT-nin real mənzərəni başa düşməsi ehtimalı azdır, yalnız onu demək olar ki, bildiyiniz kimi, bizdə çox fəal şəkildə könüllülərin, muzdluların işə cəlb olunması prosesi gedir və bu, gündəlik olaraq baş verir. Prezident isə bir neçə dəfə deyib ki, hərbçilərin fikrincə, belə bir səfərbərliyə ehtiyac yoxdur”.