ABŞ dövlət katibinin Şərqi Asiya və Sakit Okean məsələləri üzrə köməkçisi Daniel Kritenbrink iyunun 21-dən 22-dək Vyetnamın paytaxtı Hanoyda səfərdə olacaq və burada bu ölkənin yüksək rütbəli rəsmiləri ilə görüşəcək.

Axar.az xəbər verir ki, bu barədə Dövlət Departamentinin mətbuat xidməti məlumat yayıb.

Bildirilib ki, dövlət katibinin köməkçisi Birləşmiş Ştatların güclü, müstəqil, möhkəm və firavan Vyetnama dəstəyini bir daha təsdiq edəcək.

Qeyd edək ki, ötən gün Rusiya Prezidenti Vladimir Putin Vyetnama səfər edib və əməkdaşlığa dair bir sıra sənədlər imzalayıb.