Milyarder Roman Abramoviç həyat yoldaşı Darya Jukovadan ayrılıb.

Bununla bağlı “Nyu York Tayms” nəşri məlumat verib. Bildirilib ki, Roman və Darya ikitərəfli razılıq əsasında ayrılıblar. 10 ildir evli olan cütlüyün birgə nikahdan 2 övladı var. Darya olanları belə şərh edib: “10 illik münasibətdən sonra belə bir qərar vermək çox çətin idi. Ancaq biz dost qalmışıq və uşaqlarımızı birgə böyüdəcəyik”.

Qeyd edək ki, Jukova 50 yaşlı milyarderin 3-cü həyat yoldaşıdır. 9,1 milyard dollar sərvətə sahib olan Abramoviçin ümumilikdə 7 uşağı var. /Teleqraf.com/