Xüsusi hərbi əməliyyat daha uzun çəkdi, çünki o, Kiyev rejiminə qarşı başlayıb və NATO-nun iştirakı ilə münaqişə kimi davam edir.

Axar.az xəbər verir ki, bunu Kremlin mətbuat katibi Dmitri Peskov deyib.

"Bütün bunlar başlayanda Kiyev rejiminə qarşı başladı. İndi də Rusiya ilə NATO arasında müharibə kimi davam edir. Buna görə bir az daha uzun sürdü və bir az da uzun sürəcək. “Nə vaxt bitə bilər” sualına cavab vermək mümkün deyil. Ancaq sizə deyə biləcəyim yeganə şey odur ki, biz hədəflərimizə çatdıqdan sonra bitəcək", - Peskov bildirib.