Kiyev ABŞ-la nadir torpaq metallarına dair yeni razılaşmanı qəbul edib

Musavat.com xəbər verir ki, Ukrayna ABŞ-la nadir torpaq metallarına dair yeni razılaşmanın şərtlərini qəbul edib. Financial Times nəşrinin məlumatına görə, Vaşinqtonun Kiyevdən 500 milyard dollarlıq kompensasiya tələbindən imtina etməsindən sonra tərəflər razılığa gəliblər.

Mənbənin bildirdiyinə görə, müqavilənin son versiyasında ABŞ-ın Ukraynaya təhlükəsizlik zəmanətləri ilə bağlı heç bir müddəa yer almayıb.

Xatırladaq ki, nadir torpaq metalları müasir sənaye və texnologiyada strateji əhəmiyyət kəsb edir. Ukrayna bu sahədə böyük ehtiyatlara malikdir və yeni sazişin ölkənin iqtisadiyyatına təsir edəcəyi gözlənilir.