Liviyanın keçmiş baş naziri Əli Zeydan paytaxt Tripolidə qaldığı oteldən qaçırılıb.

Publika.az xəbər verir ki, bir qrup silahlı şəxs tərəfindən qaçırılan baş nazirin haraya aparıldığı hələ ki, məlum deyil.

Silahlı şəxslərin kim olduğu, əmri kimdən aldıqları və Əli Zeydanı qaçırma səbəbləri isə sirr olaraq qalır.

Qeyd edəki ki, Əli Zeydan 2013-cü ildə baş nazir vəzifəsində ikən də Liviya İnqilabçı Əməliyyatçılar tərəfindən qaçırılmış, bir neçə saat sonra sərbəst buraxılmışdı.