ABŞ Kanada ilə ticarət danışıqlarını dayandırıb. Musavat.com xəbər verir ki, bunu prezident  Donald Tramp Truth Social hesabında paylaşıb.

Onun sözlərinə görə, bu addıma Kanada rəsmilərinin Trampın tətbiq etdiyi tarifləri tənqid edən reklam üçün pul ödəmələri səbəb olub. Həmin reklamda ABŞ-ın 40-cı prezidenti Ronald Reyqanın "tariflər haqqında mənfi şərhlər verdiyi" yer alıb. Tramp əlavə edib ki, "onlar bunu yalnız ABŞ Ali Məhkəməsinin və digər məhkəmələrin qərarına təsir göstərmək üçün ediblər": "Tariflər ABŞ-ın milli təhlükəsizliyi və ABŞ iqtisadiyyatı üçün vacibdir. Bu zərərli hərəkətlərə görə Kanada ilə bütün ticarət danışıqları artıq dayandırılıb".