Şəriətə görə, istənilən yerdən götürülmüş pak torpağın üzərinə səcdə etmək olar və möhürü istənilən pak torpaqdan hazırlamaq icazəlidir.

Ovqat.com islam.az-a istinadən bildirir ki, lakin bəzi müqəddəs məkanların torpağı dini mətnlərdə xüsusilə mübarək sayılır və namazda həmin torpaqlardan hazırlanmış möhürlərin üzərinə səcdə etmək müstəhəb bilinir. Bunların içində İmam Hüseynin (ə) dəfn edildiyi Kərbəla şəhərinin torpağı birinci yerdə durur. Kərbəla türbətindən düzəldilmiş möhür səcdə üçün ən fəzilətli hesab edilir. Bundan əlavə, İmam Rzanın (ə) dəfn edildiyi Məşhəd şəhərinin torpağından hazırlanmış möhürlər də çox istifadə edilir. Digər müqəddəs məkanların torpaqlarından hazırlanmış möhürlərə də az da olsa rast gəlinir.