Ovqat.com xəbər verir ki, tanınmış hüquqşünas Əyyub Kərimov Moderator.az -a açıqlamasında keçmiş polis polkovnik-leytenantı Hacı Məmmədovun MTN təcridxanasında çəkdiyi rəsm əsərləri ilə bağlı maraqlı fikirlər səsləndirib. 

Hüquqşünasın sözlərinə görə, bu əsərlər sabiq nazir Eldar Mahmudovun göstərişi ilə çəkilib və məqsəd bəzi şəxslərə şifrəli mesaj çatdırmaq olub:

“Təbii ki, Hacı Məmmədovun rəssamlıqdan müəyyən qədər başı çıxıb. Lakin o, çəkdiyi rəsmləri Eldar Mahmudovun göstərişi ilə çəkib. Onun rəsmləri internetdə var. Orada qadın təsviri var, hansı ki, yanında boynunda kəndir olan şir təsvir olunub. Yaxud onun rəsmlərindən birində barmaq işarəsi tutan şəxs və arxa fonda Biq Ben var. Bunların hamısı çölə işarə idi. Ona bu şəkilləri çəkməyə də E.Mahmudov şərait yaradırdı. Bunların sifarişini də E.Mahmudov verirdi. Bu şəkillərin hamısı çöldəki bəzi adamlara mesaj idi”.