“Müharibə mümkün qədər tez başa çatdırılmalıdır, əks halda Rusiyanın itkiləri o qədər olacaq ki, onu kompensasiya etmək üçün bir neçə nəsil kifayət etməyəcək”.
 
Ovqat.com xəbər verir ki, Ukrayna Prezidenti Vladimir Zelenski bu gecə yaydığı video-müraciətində belə deyib.
 
O bildirib ki, Ukraynanın müharibəni sonlandırmaq üçün irəli sürdüyü təkliflər masadadır və Rusiya bundan faydalanmağa çalışmalıdır.
 
"Ukrayna üçün mənalı sülh və təhlükəsizlik danışıqları Rusiyanın öz səhvləri ucbatından uğradığı zərəri azaltmaq üçün yeganə şansdır", - deyə Zelenski əlavə edib.
 
Ukrayna Prezidenti Ukraynanın sülh danışıqlarında irəli sürdüyü prioritetlərə də aydınlıq gətirib:
 
"Görüşmək və danışıqlar aparmaq vaxtıdır. Ukrayna üçün ərazi bütövlüyünü və ədaləti bərpa etməyin vaxtıdır".